Notifications
Tui si lu pô-ksiêm-duah kơ klei truh leh mơ̆ng đưm êlâo dih, mâo sa djue ana prong arăng iêu Orangdaya si tôhmô " Mnuih Tal Lâo Nao Phă Lăn Thu", klei Sanskrit Radaya. Anih diñu juă jơ̆ng tal lâo jing anôk hang ksĭ siam snăk, diñu mkăm mran ti-năn lehanăn hlŏng bi anăn anôk anăn Kăm Mran. Mơ̆ng năn diñu bi lar hiu hdĭp truh kơ Dưr lehanăn Dhung, diñu hdĭp hŏng klei hơ̆k mơak, diñu răng kriê ala čar diñu hŏng klei jăk jĭn. Diñu thâo mpŭ kơ Yang Čư̆, Yang Ea, dliê kmrơ̆ng lehanăn thâo krăl Aê Du, Aê Diê jing pô prong hĭn. Diñu amâo mâo bi rai kmrơ̆ng dliê amâodah bi mdjiê hlô mnơ̆ng tă tăn ôh, diñu knŏng mă yua bi djăp kơ grăp hrue ya mnơ̆ng diñu čiăng đuč. Diñu thâo ngă lŏ hma, pla mdiê ea, mdiê hma, thâo tia msei ngă mnơ̆ng yua lehanăn thâo bi mlih mnơ̆ng mnuă hŏng ala čar riêng gah. Diñu jing mnuih thâo-raih ea ksĭ, lehanăn kiă kriê kluôm ksĭ ngŏ (biển đông).
Montagnards Social Network
