Notifications
Yăn huă blăm mnăm thŭn (thŭn bhang mrâo) sang thâo mâo čuh êmô, kbao, ngă yang čiăng bi mni kơ Aê Du, Aê Diê pô hrih djăp mta mnơ̆ng, mâo kiă kriê leh digơ̆ lehanăn brei leh ea hlĭm hjan, wăt klei suaih pral hlăm sa thŭn leh êgao. Mnăm thŭn ênŭm ênap găp djue, diñu bi kdŏ mmuñ, tông čing čhar, kưt muñ, ayŭ ki, gư̆ đing lehanăn lu dĭng mñê mkăn đa đa. Diñu dôk sang dlông čuôr amâodah sang dlông awan, dlăng msĕ si mran prong dôk đung ti krah ea ksĭ. Anak čô djă ba djuê amĭ, ƀiădah pưk sang jing ama pô krơ̆ng, wăt hlăm bruă čar kwar amâodah hlăm ƀuôn sang. Êbâo-êbâo thŭn êgao klei hdĭp djue ana phŭn brư̆ mlih, boh nik nak dhar kreh mâo klei bi mlih lu, thâodah kyua klei čhĭ mnia amâodah klei mjĕ mjuk hŏng djue ana India. Snăn brư̆ brư̆ djue ana Orangdaya dôk ktue hang ksĭ, mŭt kmai kma dhar kreh India êlam hĭn kơ phung ƀuôn sang krĭng čư̆ Degar (Lăn Dap Kngư).
Montagnards Social Network
