Notifications
Hlăm thŭn 137-138 phă Dưr ti Siang Lin, năng ai kring Quang Bing, Quang Tri wăt Hue hrue anei, mâo sa čô khua kurung jhŏng ktang arăng iêu Khu Lian kčưm krŭ kdơ̆ng hŏng Khêč. Thŭn 190 ƀuôn sang kwar Siang Lin kgŭ kdơ̆ng ti gŭ klei git gai khua kurung Khu Lian, bi mdjiê khua bruă-kwar lehanăn dưi mă wĭt čar kwar mơ̆ng Khêč.
Tui si druôm hră čih pioh:
永和二年,日南,象林徼外蠻夷區憐等數千人攻象林縣,燒城寺, 殺長吏.
Wĭt mblang klei Yuăn: Năm Vĩnh Hòa thứ 2 “năm 137”, ngoài biên giới huyện Tuợng Lâm của quận Nhật Nam, bọn man di Khu Liên, cả ngàn người, đánh huyện Tượng Lâm, đốt cháy thành, giết Trưởng lại.
Si tôhmô: (Hlăm thŭn Yonghe tal 2 " thŭn 137", êngao gue kwar Siang Lin kring Rinan, phung kdjơhăt Khu Lian, êbâo-êbâo čô, mblah kwar Siang Lin, čuh ƀuôn čuh sang yang, mdjiê khua-kwar prong.) Hlăm thŭn 192 tơdah tlaih leh mơ̆ng klei plah knhưh Khêč, Khu Lian mkŏ mjing ala čar mtao mrâo bi anăn Lin-Yi.
Hlŏng păt čiăng kluôm jih klei ksiêm-duah (researches) kơ Lin-Yi lehanăn Champa, thŭn 192 jing thŭn mlan mkŏ mdơ̆ng ala čar Lin-Yi khuăl hjăn. Thŭn 192 anei yơh Georges Maspéro hưn mdah tal lâo hlăm bruă-ksiêm kơ ala čar mtao Champa, čih bi kbiă hlăm thŭn 1928 čih tui-ksiêm mơ̆ng hdruôm hră Khêč; Shui Jing Zhu (Thủy Kinh Chú). Wăt Georges Coedès lehanăn Rolf Stein ăt yua thŭn 192 mơh jing mông djŏ kơ klei čăt jing ala mtao Lin-Yi khuăl hjăn, ƀiădah tui si klei yăl dliê đưm ala mtao anei mkŏ mjing ưm hĭn mơ̆ng êlâo-Yang Krist (BC).
Khu Lian (Sri Mara) pô mkŏ mjing ala mtao Lin-Yi, đĭ ngă mtao mơ̆ng thŭn 192-220. Mphŭn ñu jing sa čô adŭ-bruă kring hlăm kwar Siang Lin, hlăk dôk ti gŭ klei gĭt gai Khêč Ala Ngŏ Han (Eastern Han Dynasty). Ñu hing hlăm hdruôm hră Khêč čih pioh hŏng anăn Ōu Lián amâodah Zhulian, bi kliah săp Han-Viêt jing Khu Liên. Khu Lian kkiêng ti Siang Lin năng ai Hue hrue anei, anôk mâo lu klei bi keh koh ti krah djuê ana phŭn pô lăn hŏng Ala Han (Han Dynasty).
Montagnards Social Network
