Boh-jing Anăn Khu Lian

• Posted by Rade Ya Oct 31 Filed in Society #Histori Djue Ana Dega  189 views
  click to rate

  Hlăm dŭm mta hdruôm hră Khêč čih pioh, klei mkŏ mdơ̆ng ala čar Lin-Yi dưi bi hmô kluôm, jing kbiă hriê mơ̆ng boh-klei krŭ kdơ̆ng ti knhal Ala Han (Han Dynasty) kyua sa čô pô djă kŏ sơai, ƀiădah grăp hdruôm hră čih anăn kơ pô djă kŏ anei mdê mdê. Msĕ si Shui Jing Zhu, Jin Shu, Sui Shu čih anăn pô anei Khu Lian, ƀơ Nan Shi čih lĕ Khu Wang lehanăn Liang Shu čih anăn pô anei Khu Ðat. Kyuanăn mâo lu phung pô-ksiêm-duah mkăn đa đa lŏ bi mtrông čhai kơ klei boh-jing anăn pô djă kŏ anei. Snăn tui si phung pô-ksiêm-duah (researchers) mĭn, "Khu" amâo djŏ anăn mnuih ôh, Khu dưi jing boh blŭ kliah mơ̆ng boh blŭ "Khua" amâodah "Kurung", tui si klei Raday-đưm, jing klei arăng iêu mpŭ kơ sa čô djă kŏ amâodah djă bruă prong bi ala kơ sa êpul hgŭm. Êlâo dih, hlăm thŭn 137, phung khua-kwar Ala Han (Han Dynasty) iêu kơ ling kahan krŭ kdơ̆ng ti kwar Siang Lin jing "phung kdjơhăt Khu Lian". Snăn phung Khêč dlăng kơ djue ana Raday đưm msĕ si mnuih dliê, mâo dhar kreh mdê hŏng diñu lehanăn dleh kiă kriê. 

  Năng ai hlăm gưl ênuk tal 3 lŏ mâo klei čih mkăn kơ Lin-Yi, msĕ snei: "Djuê ana ñu êngum snăk, phung êpul đơ-điêt hlăm djue ana anăn mâo klei hur har bi đru hdơ̆ng găp, diñu yua čư čhiăng bi găl hlăm klei mblah ngă lehanăn kăn čiang dôk ti gŭ klei arăng gĭt gai rei.